السيسي يحذر من مخالفات البناء: لو الأمر تطلب هخلي الجيش ينزل قرى مصر

طالب الرئيس عبد الفتاح السيسي، جميع مؤسسات الدولة بالتعامل بكل حزم وحسم مع ملف مخالفات البناء محذرا منه وما سيترتب عليه من نتائج  مشددا على ضرورة القضاء على هذه الظاهرة

وقال “السيسي”، خلال افتتاحه لعدد من المشروعات القومية في نطاق محافظة الإسكندرية، اليوم السبت، “يا نبقى دولة مظبوطة، يا أسيب مكاني وأمشي وأي حد يتولى البلد دي يضيعها أو يخربها زي ما إحنا شايفين كدة”.

وأضاف:” أنا بعرض عليكم الأمر ده عشان تعرفوا أنا بتألم وبتعذب كل يوم إزاي، وأنا بشوف أهل بلدي بيدمروها”، متابعًا: «إحنا أعدى أعادي البلد دي مش الإرهابيين بس والله”.

وتابع :” إحنا جبنا معدات تكفي إننا نزيل الأمر ده، وهننزل على القرى ونبيد كل ده، ولو الناس مش عجابها تبقى تستفي إننا نسيب المكان ونمشي، و لو عايز تبني خليني أنظملك وأبنيلك أنا”، مشيرًا إلى المدن الجديدة التي يتم إقامتها في مختلف أنحاء الجمهورية.

وأستكمل:” لو الأمر تطلب هخلي الجيش ينزل قرى مصر، لن أسمح أبدًا إننا نهد بلدنا ونضيعها كدة” مضيفًا أن الدولة بكل مؤسساتها مسؤولة عن معالجة هذا الأمر.

ويفتتح الرئيس عبد الفتاح السيسي، اليوم السبت، عددًا من المشروعات القومية بنطاق محافظة الإسكندرية، بحضور الدكتور مصطفى مدبولي، رئيس مجلس الوزراء، وعدد من المسؤولين وكبار رجال الدولة.