أعلن الرئيس عبد الفتاح السيسي أنه لن يسمح بوجود تجاوزات او تعديات موضحا :”مينفعش تبقى الدولة رخوة ومفيش سيطرة، أي حد عايز يعمل أي حاجة يعملها، وأي حد عايز ياخد أي حاجة ياخدها، أمال إحنا قاعدين نعمل إيه؟”.
و قال الرئيس عبد الفتاح السيسي، إن معظم المزارع السمكية لا تقوم بدفع المتحصلات المالية التي تم الموافقة عليها، وده لأن الدولة مش موجودة.
وأضاف خلال افتتاحه لمشروع الصوب الزراعية : “أنت وافقت على التعاقد مع الدولة بقيمة في منتهى التواضع، ورغم كدة مش بتدفع المقابل”، متسائلًا: “الناس القائمين على الأمر، ساكتين ليه؟”.
وتاستكمل حديثه، قائلًا: “والله العظيم أنا ما اسيب جنيه لابني أو لنفسي، وده مش معناه إني راجل نزيه أو شريف يعني، لكن معناه إني راجل عارف إن اللي بناخده ده حرام”.
وأوضح “الناس دي بتروع تحج وتعمل عمرة، وهي بتاخد مال مش بتاعها”.
وتابع: “ياريت الناس تفتكر أنى مش ضد حد .. لا والله.. أنا ضد الفوضى والإهمال واللا دولة، وكل الناس فى مصر أهلى وإخواتى، إنما الناس بتعمل اللى هى عايزاه ود لا يليق بمصر، ومش هنسيب حد ياخد حاجة مش بتاعته”.
وكان قد افتتح الرئيس عبدالفتاح السيسي، 1300 من الصوب الزراعية على مساحة 10 آلاف فدان في إطار المرحلة الثانية من “قطاع محمد نجيب للزراعات المحمية”، في منطقة الساحل الشمالي.
وأوضح السفير بسام راضي، المتحدث باسم رئاسة الجمهورية، أن إنتاج المشروع يعادل نحو مليون فدان من الزراعات التقليدية، كما يعد المشروع الأكبر في مجال الصوب الزراعية بمنطقة الشرق الأوسط.
ويهدف المشروع إلى المساهمة في تحقيق الأمن الغذائي وسد الفجوة بين الإنتاج والاستهلاك فضلا عن تعظيم الاستفادة من الأراضي المتاحة للأنشطة الزراعية مع ترشيد استخدام مياه الري.
